ՖԱ «Նոա»

ՖԱ «Նոան» հիմնադրվել է 2017 թվականին և Հայաստանի ամենաերիտասարդ ֆուտբոլային ակումբներից է, սակայն ընդամենը մի քանի տարվա ընթացքում ամբողջովին փոխեց պատկերացումը, թե ինչի կարող է հասնել նոր ակումբը մեծ երազանքներով:

ՖԱ Նոան հիմնվել է Երևանում։

Այն սկզբում հիմնադրվել է որպես ՖԱ «Արցախ», իսկ 2019 թվականին վերանվանվել է ՖԱ «Նոա»:

Ակումբը 2020 թվականին նվաճեց Հայաստանի Գավաթը, իսկ նույն տարվա ընթացքում՝ Հայաստանի սուպերգավաթը։

2023 թվականի օգոստոսին Վարդգես Վարդանյանը դարձավ ակումբի նախագահ և սկսեց նոր փուլ ակումբի զարգացման մեջ: ՖԱ «Նոայի» նախագահ Վարդգես Վարդանյանը, հայտնի հայ ձեռներեց և տեխնոլոգիական մագնատ է: Նա Digitain ընկերության հիմնադիրն ու նախագահն է:

ՖԱ «Նոան» Հայաստանում արագ զարգացող ակումբ է, որը համակցում է բարձր ամբիցիաները, միջազգային գործընկերությունները և պատմական ձեռքբերումները՝ շատ կարճ ժամանակահատվածում:

Ակումբի տեսլականը սկզբից իսկ հստակ էր՝ ստեղծել ժամանակակից ֆուտբոլային ինքնություն՝ հիմնված զարգացման և ամբիցիաների վրա: ՖԱ «Նոան» արագ սկսեց վերափոխել հայկական ֆուտբոլը՝ առաջադեմ մոտեցմամբ:

2024 թվականին ՖԱ «Նոան» պատմություն գրեց՝ որակավորվելով ՈՒԵՖԱ Կոնֆերենցիաների լիգայի Լիգայի փուլ: ՈՒԵՖԱ Կոնֆերենցիաների լիգայի որակավորման առաջին փուլից սկսած՝ ՖԱ «Նոան» դարձավ միակ թիմը ամբողջ մրցաշարում, որը հաջողությամբ անցավ բոլոր չորս որակավորման փուլերն ու հասավ Լիգայի փուլ, հաղթելով ԱԵԿ–ին 3-րդ որակավորման փուլում։

2024/25 մրցաշրջանը ոսկե տառերով գրվեց ակումբի պատմության մեջ։ «Նոա» ՖԱ–ն նույն մրցաշրջանում նվաճեց Հայաստանի չեմպիոնի տիտղոսը, ինչպես նաև դարձավ երկրի գավաթակիր։